Skip navigation

Lunes na naman at malayo pa rin ang araw ng sweldo. Tanging trabaho lang ang mapaglilibangan sa mga panahong tila humahaba ang oras.

Lumipas ang sabado’t linggo, naisipan kong manatili sa aming tahanan at namnamin ang bawat oras na nakahiga sa aming bulaklaking sofa. Mga palabas sa TV ay tila nakakabagot na, mga DVD ko naman ay napanood na at ang kompyuter na dating kong libangan ay nakakasawa na. Humiga ulit ako at nagmuni-muni, tanging hinihintay ko lamang ang shigi-shigi-wah-wakereuma ng aking cellphone. Ngunit halos buong maghapon ay di man lang humuni ang aking telepono, nasambit ko na lamang sa isip ko "wala na yatang nagmamahal pa sa akin." Bumalik ako sa aking pagmumuni-muni, sinubukang makatulog ngunit sa wari ko ay pati ang antok sa hapon ay hindi rin ako dinadalaw, hindi man lang niya ikaloob sa akin ang siyesta na aking hinahanap. Hindi ko na lang pinilit umidlip, iminulat ko na lang ang aking mata at nag-isip-isip na lang muli. Maya-maya ay narinig ko na ang shigi-shigi-wah-wakereuma, humuni na sa wakas ang aking telepono. Kinuha ko ang aking telepono at binuksan ang mensahe… Tangina, Globe Advisory lang pala. Walang halagang mensahe, tanging mga libreng ringtone lang pala. Ako’y nadismaya at tila nabigo sa aking paghihintay ng mensahe na kahit forwarded lang ay laking tuwa ko na. Itinigil ko na lamang ang aking kahibangan at nagtungo na lamang sa labas kahit ang ulan ay nagsisimula ng pumatak. Ako’y nagtungo sa tahanan ng aking mga kaibigan ngunit sa lungkot ko ay wala rin sila. Niyaya rin ako ng isa ko pang kaibigan ng hapon ding iyon ngunit mas ninais ko na lamang manatili sa aming bahay nang sa gayon ay makatipid at makaipon din naman ako. Binuro ko na lamang ang aking sarili sa aming tahanan upang magpahinga at hayaang lumipas ang oras na sa wari ko ay bumabagal sa pagkabagot at pagmumuni-muni.

Ngayon ay Lunes na naman, oras na naman ng trabaho. Limang araw pa ang aking bubunuin bago dumating ulit ang mga araw ng pahinga. Pitong araw ng trabaho pa ang aking hihintayin para sa susunod na sweldo. Nawa’y matapos ko ng  maayos lahat ng aking tungkulin at makatipid nang sa gayon naman ay mayroon na akong maipon upang makamtan ko ang mga maliliit na bagay kong nais.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: